Azərbaycan 1-ci Liqası. Pley-off görüşlərinin vaxtları açıqlanıb
Futbol üzrə Azərbaycan 1-ci Liqasına vəsiqə uğrunda pley-off görüşlərinin vaxtı açıqlanıb.
Mediasport.az xəbər verir ki, çempionatda mövsümü sonuncu pillədə başa vurmuş "Araz Saatlı"nın II Liqanın gümüş medalçısı "Cəbrayıl"la ilk görüşü iyunun 9-da birincilərin ev sahibliyi ilə keçiriləcək.
Görüş "ASCO Arena"da oynanılacaq və saat 18:30-da başlanacaq.
Cavab qarşılaşması iyunun 15-ə təyin edilib.
İyunun 5-dək Saatlı Olimpiya İdman Kompleksinin stadionuna yayım və təşkilati məsələlər ilə bağlı baxış keçiriləcək.
Təftişə əsasən cavab oyununun yeri və saatı açıqlanacaq.
Hər iki dueldə "CBC Sport" telekanalı tərəfindən canlı yayım və VAR sisteminin tətbiqi nəzərdə tutulub.
