Azərbaycan çempionatı dünyanın ən reytinqli 41-ci liqasıdır
Azərbaycan Premyer Liqası Avropanın illik reytinqində 14 pillə irəliləyib.
mediasport.az xəbər verir ki, Beynəlxalq Futbol Tarixi və Statistikaları Federasiyasının (IFFHS) araşdırmasına görə, Azərbaycan liqası 349,25 xalla qitənin 2022-ci il üçün reytinq cədvəlində 21-ci yerdə qərarlaşıb.
45 çempionatın yer aldığı siyahıya İngiltərə Premyer Liqası başçılıq edir. “Böyük beşlik” ölkələrinin digər təmsilçiləri İspaniya, Almaniya, İtaliya və Fransa ardıcıllığı ilə sıralanıblar. Türkiyə Super Liqası isə Avropanın 9-cu ən yaxşı çempionatıdır.
Azərbaycan çempionatı dünyanın ən reytinqli 41-ci liqasıdır.
