Kişi şahmatçıların Azərbaycan çempionatında finalçılar məlumdur
Kişi şahmatçılar arasında Azərbaycan çempionatında finalçılar müəyyənləşib.
mediasport.az xəbər verir ki, ikinci yarımfinal görüşlərində Vasif Durarbəyli Eltac Səfərli ilə heç-heçə sayəsində, Vüqar Əsədli isə Məhəmməd Muradlıya qalib gələrək həlledici duelə vəsiqə qazanıblar.
Sözügedən şahmatçılar yarımfinalın ilk görüşündə rəqiblərini məğlub etmişdilər. Final yanvarın 26 və 27-də oynanılacaq. İki görüşdən sonra qalib olmasa, finalçılar arasında tay-brek oynanılacaq.
Səfərli və Muradlı isə 3-cü yer uğrunda qarşılaşmada üz-üzə gələcəklər.
