Azərbaycan idmançısı Paralimpiya Oyunlarına 3-cü vəsiqəni qazandı
Azərbaycanın daha bir para-atleti Səid Nəcəfzadə 2024-cü ildə Fransanın paytaxtı Parisdə keçiriləcək Yay Paralimpiya Oyunlarına lisenziya qazanıb.
MediaSport.az xəbər verir ki, idmançımız Parisdə keçirilən dünya çempionatında uzunluğa tullanma növündə 7,11 metr nəticə göstərib.
Mundialın bürünc medalını qazanan Nəcəfzadə paralimpiya oyunlarında iştirak hüququ da əldə edib. Yarışda ilk 4 yeri tutan idmançılar paralimpiadaya lisenziyanı təmin edirlər.
Qeyd edək ki, daha əvvəl Lamiyə Vəliyeva və Oloxan Musayev də Yay Paralimpiya Oyunlarında ölkəmizi təmsil etmək şərəfinə nail olub.
