İLK DƏFƏ: Qarabağ qazisi Xorvatiyada Avropa çempionu oldu
Azərbaycanın qazi parakarateçisi Eldar Əhmədov Xorvatiyanın Zadar şəhərində Avropa çempionu olub.
Mediasport.az xəbər verir ki, əlil arabasında cıxış edən Birinci Qarabağ müharibəsi qazisi bütün rəqiblərinə qalib gələrək Dövlət Himnimizi səsləndirib.
Əlil arabasında yarışan digər parakarateçimiz, Vətən müharibəsi qazisi Vidadi Xalıqov isə fəxri kürsünün ikinci pilləsinə yüksəlib.
Beləliklə, Avropa çempionatları tarixində ilk dəfə olaraq Azərbaycan qaziləri fəxri kürsünün ilk iki pilləsində qərarlaşıblar.
Görmə qabiliyyəti zəif olan qadınlar arasında Emilya Mitlinova, görmə qabiliyyəti zəif olan kişilər arasında isə Nihat Məmmədzadə gümüş medal qazanıblar.
