"Qarabağ"ın qələbəsi ölkəmizi UEFA reytinqində Slovakiyadan irəli salıb
!["Qarabağ"ın qələbəsi ölkəmizi UEFA reytinqində Slovakiyadan irəli salıb](https://mediasport.az/uploads/images/202402/image_750x_65cf37e53f77e.jpg)
Futbol üzrə Avropa Liqasının keçid pley-off mərhələsinin ilk matçında tarixi qələbə qazanan "Qarabağ" UEFA reytinqində Azərbaycanın hesabına növbəti xalları yazdırıb.
Mediasport.az xəbər verir ki, "Braqa" üzərində 4:2 hesablı qalibiyyət ölkəmizin aktivinə daha 0,500 əmsal gətirib.
Son 5 mövsümdə ümumi əmsallarının sayını 19,625-ə çatdıran Azərbaycan UEFA reytinqində Slovakiyanı geridə qoyaraq, 27-ci pilləyə yüksəlib.
Hər iki ölkə eyni əmsala malik olsa da, klublarımızın cari mövsüm daha çox xal toplamaları irəliləməyimizə səbəb olub.
Reytinqə 100,803 əmsalla İngiltərə başçılıq edir.