Azərbaycanlı hakim "Challenge Kuboku"nun finalına təyinat aldı
Avropa Voleybol Konfederasiyası azərbaycanlı hakimə növbəti dəfə etimad göstərib.
mediasport.az xəbər verir ki, Beynəlxalq dərəcəli referi Fuad Ağayev kişi voleybolçular arasında "Challenge Kuboku"nun final qarşılaşmasına təyinat alıb.
O, İsrailin "Makkabi" (Təl-Əviv) və Yunanıstanın "Olimpiakos" klubları arasında keçiriləcək finalın ilk matçında ikinci hakim kimi meydana çıxacaq. Görüşün əsas hakimi italyan Armando Simbari olacaq.
Cütün ilk oyunu bu gün İsraildə baş tutacaq.
