Bu gecə AVRO-2024-ün final mərhələsinin püşkü atılacaq
Bu axşam futbol üzrə AVRO-2024-ün final mərhələsinin püşkü atılacaq.
Mediasport.az xəbər verir ki, Hamburqda baş tutacaq tədbir Bakı vaxtı ilə saat 21:00-da başlanacaq.
Püşkatmaya 21 milli komanda qatılacaq.
Qalan üç vəsiqənin sahibi mart ayında keçiriləcək pley-off görüşlərindən sonra bəlli olacaq.
A, B və C Yolundan gələcək yığmalar 4-cü səbətdə yer alacaqlar.
Qitə birinciliyinin final mərhələsi 14 iyun-14 iyul tarixlərində Almaniyanın 10 şəhərində təşkil olunacaq.
AVRO-2024 səbətlər
I Səbət: Almaniya, Portuqaliya, Fransa, İspaniya, Belçika, İngiltərə
II Səbət: Macarıstan, Türkiyə, Rumıniya, Danimarka, Albaniya, Avstriya
III Səbət: Niderland, Şotlandiya, Xorvatiya, Sloveniya, Slovakiya, Çexiya
IV Səbət: İtaliya, Serbiya, İsveçrə, A Yolunda pley-off qalibi, B Yolunda pley-off qalibi, C Yolunda pley-off qalibi
