"Bu, son deyil, qarşıda döyüşlər var, daha da irəli getmək lazımdır"
"Çox çətin döyüş oldu. Mən bu yarışa çox yaxşı hazırlaşmışdım. Yaxşı məşq keçmişəm".
Mediasport.az xəbər verir ki, bu sözləri Azərbaycan boksçusu Alfonso Dominges Paris-2024-də 1/8 finalda kubalı rəqibi Xulio Sezar Kruza qalib gəldikdən sonra bildirib.
Legionerimiz Azərbaycan Boks Federasiyasının mətbuat xidmətinə açıqlamasında bildirib ki, daha da irəli getmək fikrindədir:
"Bilirəm ki, bütün Azərbaycan məni dəstəkləyir, buna görə də təşəkkürümü bildirirəm. Məşqçilərimə və bütün komanda üzvlərinə dəstəyə görə minnətdaram. Bu, son deyil, qarşıda döyüşlər var. Daha da irəli getmək lazımdır. Bu gün mənim günüm idi. Qələbə qazanmağı bacardım. Hər şey qaydasındadır".
Qeyd edək ki, Alfonso Dominges sabah 1/4 finalda Aybek Oralbayla (Qazaxıstan) qarşılaşacaq.
