Çempionlar Liqasında mövsümün ilk yarımfinalçıları müəyyənləşir
Bu gün UEFA Çempionlar Liqasında ilk yarımfinalçıların adları məlum olacaq.
Mediasport.az xəbər verir ki, 1/4 finalın cavab qarşılaşmaları çərçivəsində 2 matç baş tutacaq.
Ötən həftə İspaniyada "Atletiko"ya uduzan "Borussiya" doğma "Siqnal İduna Park"da revanş almağa çlaışacaq.
"Barselona" isə Parisdə geridönüşlə məğlub etdiyi PSJ-ni qonaq edəcək.
Ənənəvi qaydada, bir oyun "CBC Sport", digəri "İctimai" tv-də canlı yayımlanacaq
Mərhələnin digər 2 cavab oyunu sabah keçiriləcək.
Çempionlar Liqası. 1/4 final. Cavab oyunları
"Borussiya" (Dortmund, Almaniya) - "Atletiko" (Madrid, İspaniya)
Baş hakim: Slavko Vinçiç (Sloveniya).
"Siqnal İduna Park" stadionu, 23:00.
İlk oyun - 1:2.
"Barselona" (İspaniya) - PSJ (Fransa)
Baş hakim: İştvan Kovaç (Rumıniya).
Lyuis Kompanis adına Olimpiya stadionu, 23:00.
İlk oyun - 3:2.
