Azərbaycan milli komandası dünya çempionatının yarımfinalında!
Minifutbol üzrə Azərbaycan milli komandas; Birləşmiş Ərəb Əmirliklərinin Ras Əl-Xeyma şəhərində təşkil olunan dünya çempionatında bu gün 1/4 final oyununa çıxıb.
Mediasport.az xəbər verir ki, Elşad Quliyevin baş məşqçisi olduğu kollektiv Bolqarıstan yığması ilə qarşılaşıb.
1/8 finalda Portuqaliya millisindən güclü olan futbolçularımız Bolqarıstan seçməsini də mübarizədən kənarlaşdıraraq tarixlərində ilk dəfə iştirak etdikləri mundialda yarımfinala vəsiqə qazanıblar.
Millimiz qrupda İraq, Misir və Küveytdən üstün olub - Müvafiq olaraq 2:0, 4:1, 3:1.
Komandamız sabah finala gedən yolda Qazaxıstan milliisi ilə üz-üzə gələcək.
Minifutbol. Dünya çempionatı. 1/4 final
21:00 Azərbaycan - Bolqarıstan 3:1
Qollar: Vüsal İsayev 28, Rəvan Kərimov, 32, Mirmehdi Rzayev, 36 - Vəli Qafarov, 40 (avtoqol)
BƏƏ, Ras Əl-Xeymə.
