10-qat dünya çempionumuz 9-cu dəfə Avropa çempionu adını qazandı!
Sloveniyanın Podçetrtek şəhərində cüdo üzrə veteranlar arasında Avropa çempionatına start verilib.
mediasport.az xəbər verir ki, ilk yarış günündə M5, M6, və M7 yaş kateqoriyaları üzrə 9 cüdoçumuz mübarizəyə qoşulub, veteranlarımızdan 2-si uğur qazana bilib.
M7 kateqoriyası üzrə -90 kq. çəki dərəcəsində mübarizə aparan 10-qat dünya çempionu Fərhad Rəcəbli bütün rəqiblərinə qalib gələrək 9-cu dəfə Avropa çempionu adını qazanıb.
M6 yaş kateqoriyası üzrə +100 kq. çəkidə yarışan cüdoçumuz Qabil Qasımov isə bürünc medala layiq görülüb.
Azərbaycan qitə birinciliyində 9 kateqoriya üzrə 36 idmançı ilə təmsil olunur.
