"Gent"in nigeriyalı forvardı ulduz futbolçuları qabaqlayıb
2023-cü ildə Avropanın TOP-10 liqasında bütün turnirlər daxil olmaqla ən çox het-trik edən futbolçuların adları müəyyənləşib.
Mediasport.az xəbər verir ki, zirvədə "Gent"in nigeriyalı hücumçusu Gift Orban qərarlaşıb.
Mövsümü 5 kubokla başa vuran "Mançester Siti"nin forvardı Erlinq Haland ikinci, 2023-cü ilin yayında "Real"dan ayrılan Kərim Benzema isə üçüncü olub.
Qeyd edək ki, sıralamada Fransa millisinin də sabiq üzvü Benzemanın yalnız "kral klubu"nda gerçəkləşdirdiyi het-triklər qeydə alınıb.
Ötən il ən çox het-trik edən futbolçular:
1. Gift Orban ("Gent", Belçika) - 51 oyun, 5 het-trik
2. Erlinq Haland ("Mançester Siti", İngiltərə) - 54 oyun, 4 het-trik
3. Kərim Benzema ("Real", İspaniya) - 30 oyun, 3 het-trik
4. Aleksandr Lakazett ("Lion", Fransa) - 37 oyun, 3 het-trik
5. Harri Keyn ("Tottenhem", İngiltərə; "Bayern", Almaniya) - 48 oyun, 3 het-trik
6. Mame Tiam ("Kayserispor", Türkiyə) - 33 oyun, 2 het-trik
7. Seru Qirassi ("Ştutqart", Almaniya) - 33 oyun, 2 het-trik
8. Kilian Mbappe (PSJ, Fransa) - 44 oyun, 2 het-trik
9. Santyaqo Ximenez ("Feyenoord", Niderland) - 49 oyun, 2 het-trik
10. Olli Uotqins ("Aston Villa", İngiltərə) - 50 oyun, 2 het-trik
