İdmançımız dünya çempionu oldu
Karate yığmamız Türkiyənin Konya şəhərində keçirilən yeniyetmələr və gənclər arasında Dünya çempionatında ilk qızıl medalını qazanıb.
Azərbaycan Karate Federasiyasından mediasport.az saytına verilən məlumata görə, 55 kq-da mübarizə aparan Fərid Savadov (16-17 yaşlı gənclər) bütün rəqiblərindən üstün olub.
İsmayıl Xamoyev (14-15 yaşlı yeniyetmələr, -52 kq) və Rəşid Süleymanov (16-17 yaşlı gənclər, -68 kq) mundialın bürünc medalını qazanıblar.
Bu gün 18-20 yaşlı gənclər arasında Əminağa Quliyev (60 kiloqram) qızıl, Nuran Rzazadə (67 kiloqram), Hüseyn Hüseynzadə (84 kiloqram) və Osman Osmanlı (+84 kiloqram) üçüncü yerlər uğrunda qarşılaşmalarda iştirak edəcəklər.
105 ölkədən 1 861 idmançının qatıldığı turnirdə Azərbaycan 28 idmançı ilə təmsil olunur.
