"Komandada əhval-ruhiyyə yüksək səviyyədədir" - Millinin müdafiəçisi
Azərbaycan milli komandasının futbolçusu Abbas Hüseynov UEFA Millətlər Liqasının 3-cü turunun Estoniya ilə oyunundan öncə keçirilən mətbuat konfransında iştirak edib.
Mediasport.az xəbər verir ki, müdafiəçi sabah Tallində keçiriləcək oyunda 3 xal qazanacaqlarına inandığını söyləyib:
"Sabahkı oyuna yaxşı hazırlaşmışıq. Qələbə qazanmaq istəyirik. Əlimizdən gələni edib, meydandan yaxşı nəticə ilə ayrılmaq niyyətindəyik. Komandada əhval-ruhiyyə yüksək səviyyədədir".
Xatırladaq ki, Estoniya - Azərbaycan dueli 11 oktyabr, 20:00-da "Lilleküla" stadionunda baş tutacaq.
