Millilərimiz Avropa çempionatında növbəti matçlarını keçirəcəklər
Azərbaycanın 16 yaşadək oğlan və qızlardan ibarət basketbol milliləri bu gün Avropa çempionatının C divizionunda növbəti oyunlarını keçirəcəklər.
Mediasport.az xəbər verir ki, Cəbəllütariqdə təşkil edilmiş qızlardan ibarət yarışın A qrupunda yer alan yığmamız Gürcüstanla qarşılaşacaq.
Matç Bakı vaxtı ilə saat 12:30-da başlanacaq.
Xatırladaq ki, Evren Alkayanın rəhbərlik etdiyi kollektiv ilk görüşdə Ermənistan millisini 86:59 hesabı ilə məğlub edib.
Qrupdakı növbəti oyun iyulun 11-də, Bakı vaxtı ilə saat 12:30-da Kipr yığmasına qarşı olacaq.
Oğlanlardan ibarət yığma isə A qrupunda Moldova ilə üz-üzə gələcək. Albaniyada keçirilən raundun dueli Bakı vaxtı ilə saat 16:30-da start götürəcək.
Tahir Baxşıyevin komandası ilk oyunda Albaniya ilə üz-üzə gəlib və 56-60 hesabı ilə məğlub olub.
Komanda A qrupundakı növbəti matçını iyulun 11-də, Bakı vaxtı ilə saat 16:30-da Malta yığmasına qarşı keçirəcək.
