PFL-dən yeni layihə: Premyer Liqada ayın ən yaxşı qolu seçiləcək
Peşəkar Futbol Liqası (PFL) Azərbaycan Premyer Liqasında “ayın qolu” layihəsinə start verir.
Mediasport.az xəbər verir ki, geridə qalan avqust ayını da əhatə edəcək layihə çərçivəsində PFL tərəfindən ayın “TOP-5” qolu müəyyənləşdiriləcək.
Ardınca həmin qollar PFL-in rəsmi feysbuk hesabında paylaşılacaq. İzləyicilər ən çox bəyəndikləri qolu emojilər vasitəsilə seçə biləcəklər.
Nəticələr video paylaşıldıqdan 3 gün sonra elan ediləcək. Qalibə mükafatlar təqdim olunacaq.
