Stadnik və digər qadın güləşçilərimiz üçün son şans

10 May, 2024 - 09:45
Stadnik və digər qadın güləşçilərimiz üçün son şans
Türkiyənin İstanbul şəhərində keçirilən güləş üzrə Dünya Olimpiya Təsnifat Turniri davam edir.

Mediasport.az xəbər verir ki, yarışın ikinci günündə Azərbaycanın 5 qadın güləşçisi mübarizəyə qoşulacaq.

"Paris-2024"ə hələ vəsiqə qazanmayan qadın millimiz üçün bu, son şansdır.

İlk 3 yerin sahibi Olimpiadada iştirak hüququna yiyələnəcək.

Qeyd edək ki, Azərbaycan sərbəst və yunan-Roma güləşçiləri ilə olimpiadaya ümumilikdə 11 lisenziya qazanıb.

Vəsiqələrdən 6-sı "sərbəstlər"in payındadır.
İstanbul yarışında Hər çəkidə ilk 3 yeri tutan güləşçilər Paris-2024 Yay Olimpiya Oyunlarına vəsiqə əldə edəcəklər.

Dünya Olimpiya Təsnifat Turniri

50 kq
1/8 final: Mariya Stadnik - Menq Seh (Çin Taypeyi) - Aintzane Qoni (İspaniya) cütünün qalibi
53 kq
Təsnifat mərhələsi: Gültəkin Şirinova - Laura Avila (Kuba)
57 kq
Təsnifat mərhələsi: Alyona Kolesnik - Ramona Qalambos (Macarıstan).
62 kq
Təsnifat mərhələsi: Ruzanna Məmmədova - Anastasiya Qriqoryeva (Latviya)
68 kq
Təsnifat mərhələsi: Elis Manolova - Nikol Parrado (Kolumbiya)