“Qarabağ”ın Azərbaycan çempionatlarında 90-cı böyükhesablı ev qələbəsi
“Qarabağ” Azərbaycan çempionatlarında 90-cı dəfə evdə böyük hesabla qalib gəlib.
Mediasport.az Peşəkar Futbol Liqasına istinadən xəbər verir ki, Ağdam klubu Premyer Liqanın XII turunda “Kəpəz”i məğlub edib – 7:1.
1992-ci ildən keçirilən ölkə çempionatlarının daimi iştirakçısı bunadək 89 dəfə qonaqlara üç və ya daha çox top fərqi ilə qalib gəlmişdi.
Yubiley uğuruna imza atan “Qarabağ” öz meydanında qazanılan böyükhesablı qələbə sayında mütləq rekorda da imza atıb. Heç bir komanda evdə daha çox belə qələbə qazanmayıb.
Ağdamlıların ilk böyükhesablı qələbəsi 1992-ci il mayın 6-da qeydə alınıb. “Qarabağ” evdə Kürdəmir “Şirvan” klubunu 6:0 hesabı ilə məğlub edib.
