"Qarabağ"ın Çempionlar Liqası rəqibinin 4 üzvü milliyə çağırıldı
UEFA Çempionlar Liqasının pley-off mərhələsində "Qarabağ"la qarşılaşacaq "Dinamo"nun futbolçuları milli komandaya çağırılıblar.
Mediasport.az xəbər verir ki, Xorvatiya yığmasının baş məşqçisi Zlatko Daliç Zaqreb təmsilçisinin 4 futbolçusuna dəvət göndərib.
Bruno Petkoviç, Martin Baturina, Petar Suçiç və Marko Pyatsa qarşıdakı görüşlərdə təcrübəli mütəxəssisin sərəncamında olacaqlar.
Xorvatiya seçməsi UEFA Millətlər Liqası çərçivəsində sentyabrın 5-də səfərdə Portuqaliya, 3 gün sonra isə evdə Polşa ilə qarşılaşacaq.
Xatırladaq ki, "Qarabağ" "Dinamo" ilə ilk oyunu sabah səfərdə keçirəcək.
Komandalar arasında cavab görüşü isə 28 avqust tarixində Bakıda baş tutacaq.
