"Qızıl top"un yeni sahibinin açıqlanacağı tarix müəyyənləşib
Mövsümün ən yaxşı futbolçusuna təqdim edilən "Qızıl top" mükafatının veriləcəyi tarix müəyyənləşib.
Mediasport.az xəbər verir ki, 2023/2024-cü illər mövsümünün qalibi oktyabrın 28-də Parisdə açıqlanacaq.
Mükafatı qazanmağa yekun namizədlərin siyahısı sentyabrın 4-də məlum olacaq.
Son qalib ötən il argentinalı Lionel Messidir.
Xatırladaq ki, "Qızıl top” mükafatı “France Football” jurnalının baş redaktoru Qabriel Ano tərəfindən təsis edilib.
İlk mükafat 1956-cı ildə təqdim olunub.
