"Sabah" Gürcüstanda beynəlxalq turnirdə ikinci yeri tutub
Gürcüstanın paytaxtı Tbilisidə keçirilən “Tbilisi Cup” beynəlxalq turnirinə yekun vurulub.
Mediasport.az xəbər verir ki, yarışda iştirak edən “Sabah”ın U-11 komandası turnirin yarımfinal mərhələsində təşkilatçı ölkənin təmsilçisi “Torpedo”ya minimal hesabla (1:0) qalib gələrək finala vəsiqə qazanıb.
Həlledici matçda Tbilisinin “Lokomotiv” komandası ilə qarşılaşan Arslan Quliyevin yetirmələri qolsuz bitən oyunun penaltilər seriyasında məğlub olaraq (2:3) turniri 2-ci pillədə başa vurub.
