"Zirə" 4-də 4 etdi, "Səbail" mövsümdə ilk qələbəsini qazandı
Bu gün Azərbaycan Premyer Liqasında 4-cü tur çərçivəsində daha iki oyun keçirilib.
Mediasport.az xəbər verir ki, qarşılaşmalardan ilki bölgədə baş tutub.
Mövsümə yaxşı başlayan iddialı "Turan Tovuz" doğma meydanda cari mövsümdə ilk oyununda "Səbail"lə üz-üzə gəlib və "dənizçilər" cari liqada birinci qələbələrini qazanıblar.
Digər matç isə Zirədə baş tutub
3 turdan sonra Premyer Liqanın vahid lideri "Zirə" doğma azarkeşləri qarşısında "Sabah"ı da məğlub edərək vahid liderliyini azı növbəti tura qədər sürdürmək imkanı qazanıb.
Azərbaycan Premyer Liqası. 4-cü tur
"Turan Tovuz" – "Səbail" 1:3
Qollar: Roderik Miller, 84 - Ramalinqom, 5, Yusif Nəbiyev, 62, Ağabala Ramazanov, 90.
Hakimlər: Tural Qurbanov, Akif Əmirəli, Cəmil Quliyev, Nicat İsmayıllı
Hakim-inspektor: Feyzulla Feyzullayev
AFFA nümayəndəsi: Erkin Hüseynov
Tovuz şəhər stadionu, 17:00
"Zirə" – "Sabah" 1:0
Qol: Kulaç, 3.
Hakimlər: Elçin Məsiyev, Pərvin Talıbov, Kamran Bayramov, Fərid Hacıyev
Hakim-inspektor: Anar Salmanov
AFFA nümayəndəsi: Asif Əliyev
Zirə İdman Kompleksinin stadionu, 19:30
