Türkiyədə azərbaycanlıların duelində qələbəni Diniyev qazandı
Legioner həyatı yaşayan Azərbaycan millisinin 5 oyunçusu klub futbolunda növbəti oyunlarına çıxıblar.
Mediasport.az xəbər verir ki, Coşqun Diniyevin formasını geyindiyi "Bandırmaspor" Renat Dadaşovlu "Ankaragücü"nü məğlub edib (2:0).
Diniyev oyuna start heyətdə başlayıb, 76-cı dəqiqədə sarı vərəqə ilə cəzalanıb və 83-cü dəqiqədə əvəzlənib.
Renat matça sonradan - 59-cu dəqiqədə qoşulub.
Vüsal İsgəndərlinin uğurları üçün çalışdığı "Boluspor" doğma azarkeşlər önündə "Manisa"nı üstələyib (2:0).
İsgəndərli əsas vaxtın sonuna əlavə edilən 2-ci dəqiqədə meydana çıxıb.
Milli komandamızın cinah futbolçusu Ozan Can Kökçülü "Helsinki" evdə "İlves"ə uduzub (0:1).
Ozan Can 84-cü dəqiqədə oyuna çıxsa da, komandasını məğlubiyyətdən xilas edə bilməyib.
Azərbaycanlı hücumçu Rüfət Dadaşovun komandası "Dinamo" (Berlin) "Erfurt"la heç-heçə edib (1:1).
Dadaşov oyuna start heyətdə başlayıb.
Emil Mustafayevin uğurları üçün çalışdığı "Polessye" səfərdə "Karpati" üzərində qələbə qazanıb (3:1).
Mustafayev oyuna start heyətdə başlasa da, 56-cı dəqiqədə əvəzlənib.
Bu gün daha 4 futbolçumuzun komandaları daxili birinciliklərdə meydana çıxacaqlar.
Mahir Emrelinin formasını geyindiyi "Nürnberq" Bundesliqa 2-də "Hannover"in qonağı olacaq.
Rahil Məmmədovun uğurları üçün çalışdığı "Radomyak" Polşa Ekstraklasasında "Zaqlebye" ilə üz-üzə gələcək.
Cəlal Hüseynovlu "Arda" Bolqarıstan Parva Liqasında "Levski" ilə münasibətlərinə aydınlıq gətirəcək.
Amil Yunanovun komandası "Bilis" Albaniya Superliqasında "Elbasani" ilə qarşılaşacaq.
28 sentyabr
Türkiyə 1-ci Liqası. 7-ci tur
"Bandırmaspor" - "Ankaragücü" 2:0
"Boluspor" - "Manisa" 2:0
Finlandiya Veikkaus Liqası. Pley-off
"Helsinki" - "İlves" 0:1
Almaniya Şimal-Şərq Regional Liqası. 10-cu tur
"Dinamo" (Berlin) - "Erfurt" 1:1
Ukrayna Premyer Liqası. 8-ci tur
"Karpati" - "Polessye" 1:3
29 sentyabr
Polşa Ekstraklasası. 10-cu tur
14:15 "Zaqlebye" - "Radomyak"
Almaniya 2-ci Bundesliqası. 7-ci tur
15:30 "Hannover" - "Nürnberq"
Albaniya Superliqası. 7-ci tur
18:00 "Bilis" - "Elbasani"
Bolqarıstan Parva Liqası. 10-cu tur
19:45 "Levski" - "Arda"
