UEFA İntizam Komitəsi "Qarabağ"ı yüksək məbləğdə cərimələdi
UEFA-nın İntizam Komitəsi "Qarabağ"ı cərimələyib.
Mediasport.az xəbər verir ki, avrokuboklardakı yeganə təmsilçimiz 28500 avro ziyana düşüb.
Ağdam təmsilçisi Bolqarıstanda "Ludoqorets"ə qalib gəldiyi (2:7) Çempionlar Liqasının 3-cü təsnifat mərhələsinin cavab matçında "komandanın düzgün olmayan davranışı"na görə 6000 avro ödəyəcək.
Son Azərbaycan çempionu Bakıda Zaqreb "Dinamo"suna uduzduğu (0:2) pley-offun cavab qarşılaşmasına görə daha çox ziyana düşüb.
"Köhlən atlar" "idman tədbirinə uyğun olmayan mesajın ötürülməsi"nə görə 22500 avro ziyana düşüb.
