"Üzərində işləməli olduğumuz məqamlar var" - Kaxaber Çxadadze
"Yoldaşlıq oyunu idi. Əlbəttə ki, nəticə olaraq razı qaldım. Meydança amilinin bizə çətinlik yaradacağını bilirdik".
Mediasport.az xəbər verir ki, bu sözləri "Qəbələ"nin baş məşqçisi Kaxaber Çxadadze deyib.
Futbol üzrə Azərbaycan 1-ci Liqasına hazırlaşan bölgə təmsilçisinin baş məşqçisi "Cəbrayıl"la yoxlama matçı (4:1) haqqında fikirlərini bölüşüb.
Gürcüstanlı mütəxəssis komandasında hələlik çatışmayan məqamların olduğunu qeyd edib:
"Meydan amilinə baxmayaraq, öhdəsindən gəlməyi bacardıq, meydanda istədiyimi görə bildim. Lakin, yenə də üzərində işləməli olduğumuz məqamlar var. Yoldaşlıq oyunları da məhz bunun üçündür ki, hansı detal üzərində işləməli olduğunu görə biləsən. Nəticə etibarilə, komandamdan razı qaldım, hər şey istədiyimiz kimi oldu".
Xatırladaq ki, qəbəlilər daha əvvəl "Əl-Yarmuk" (Küveyt, 2:2), "Zaqatala" (2:0), "Cəbrayıl" (5:2) və "Mingəçevir"lə (4:0) yoldaşlıq qarşılaşmaları keçiriblər.
