Yığmamız Avropa çempionatına məğlubiyyətlə başlayıb
Amputant futbolçulardan ibarət Azərbaycan milli komandası Fransada keçirilən Avropa çempionatının final mərhələsində ilk matçına çıxıb.
Mediasport.az xəbər verir ki, tarixində ilk dəfə qitə birinciliyinə yollanan yığmamız İrlandiya seçməsi ilə qarşılaşıb.
Evian şəhərində təşkil olunan yarışın ilk görüşü millimiz üçün uğursuz alınıb - 0:1.
Komandamız bu gün ikinci matçını keçirəcək və rəqibimiz son dünya çempionu Türkiyə kollektivi olacaq.
C qrupunda yer alan komandamız qrupda son olaraq İsraillə üz-üzə gələcək.
