Yığmamız AÇ öncəsi 3 yoxlama oyununun heç birində uduzmadı
Sloveniyada təlim-məşq toplanışında olan qadın voleybolçulardan ibarət milli komandamız Avropa çempionatı öncəsi üç yoxlama oyunu keçirib.
Azərbaycan Voleybol Federasiyasından “Mediasport”a verilən məlumata görə, komandamız duellərin heç birində məğlub olmayıb.
Əvvəlcə Kamerunla heç-heçə (2:2) edən qadın voleybolçular sloveniyalılarla iki dəfə qarşılaşıblar. Millimiz meydan sahiblərini müvafiq olaraq 3:1 və 3:2 hesabları ilə məğlub edib.
Komandamız hazırlıq çərçivəsində son sınağında Macarıstanla üz-üzə gələcək. Millimiz bundan sonra AÇ-nin qrup mərhələsinin oyunları üçün avqustun Almaniyanın Düsseldorf şəhərinə yollanacaq.
AÇ-də 24 komanda 4 qrupda mübarizə aparacaq. C qrupunda yarışacaq Azərbaycan millisinin rəqibləri ev sahibi Almaniya ilə yanaşı, Türkiyə, Çexiya, İsveç və Yunanıstan olacaq.
Almaniya, Belçika, İtaliya və Estoniyanın birgə ev sahibliyi edəcəyi qitə birinciliyinin final mərhələsi sentyabrın 3-də yekunlaşacaq.
