Yığma komandamız səfərdə başlayıb səfərdə də yekunlaşdıracaq - DÇ-2024
Futzal üzrə Azərbaycan yığmasının DÇ-2024-ün elit-raund mərhələsindəki rəqibləri iyunun 8-də müəyyənləşəcək.
mediasport.az xəbər verir ki, Joze Alesio Da Silvanın baş məşqçisi olduğu komandamız ilk oyununu səfərdə keçirəcək.
Rəqiblər bilinməsə də, UEFA artıq oyun cədvəlinin ardıcıllığını açıqlayıb. Sentyabrda rəqib meydanında bu mərhələyə start verəcək komanda daha sonra Bakıda görüşə çıxacaq.
Yığma oktyabrda əvvəlcə doğma məkanda, sonra səfərdə gücünü göstərəcək. Dekabrda da yenə ilk matçı Bakıda oynayacaq milli mərhələnin son sınağını rəqib meydanında verəcək.
Qeyd edək ki, 6 dəfə Avropa çempionatının final mərhələsində iştirak etmiş Azərbaycan millisi artıq bir dəfə də dünya çempionatının final mərhələsində gücünü göstərib.
2016-cı ildə Kolumbiyada təşkil olunan mundialda uğurla çıxış edən yığmamız mübarizəni 1/4 finalda dayandırsa da, yekunda ən güclü 5-ci komanda olmağı bacarmışdı.
