Yığmamızın heyəti müəyyənləşdi
4-6 avqustda Macarıstanın paytaxtı Budapeştdə keçiriləcək Masters turnirində iştirak edəcək Azərbaycan cüdoçuları müəyyənləşib.
MediaSport.az xəbər verir ki, Azərbaycan yığmasının siyahısında 12 idmançının adı qeyd edilib.
Kişilərin yarışında Balabəy Ağayev, Turan Bayramov (hər ikisi 60 kq), Yaşar Nəcəfov, Kamran Süleymanov (hər ikisi 66 kq), Hidayət Heydərov (73 kq), Səid Mollayi, Zelim Tçkayev (81 kq), Murad Fətiyev (90 kq), Zelim Kotsoyev (100 kq), Camal Qamzatxanov, Uşangi Kokauri (hər ikisi +100 kq) mübarizə aparacaq.
Qadınlar arasında isə Gültac Məmmədəliyeva (52 kq) yarışacaq.
