AVRO-2024-ə son 3 vəsiqə uğrunda pley-off oyunları başlanır
Bu gün futbol üzrə AVRO-2024-ün final mərhələsinə vəsiqə uğrunda nəzərdə tutulmuş görüşlər keçiriləcək.
Meidasport.az xəbər verir ki, seçmə mərhələdə lisenziya əldə etmiş 21 milli komandaya Millətlər Liqası xətti ilə qoşulacaq daha 3 kollektiv məhz bu axşam start götürəcək pley-off qarşılaşmalarının yekununda - 12 seçmənin öz arasında mübarizəsindən sonra müəyyənləşəcək.
Millətlər Liqasının A, B və C Liqalarında 6 yığma son 3 vəsiqə uğrunda mübarizə aparacaq.
Bunlar Polşa, Estoniya, Uels, Finlandiya, İsrail, İslandiya, Bosniya və Herseqovina, Ukrayna, Gürcüstan, Lüksemburq, Yunanıstan və Qazaxıstan komandalarıdır.
"4-lük"dən ibarət hər 3 qrupdan ən güclü milli AVRO-2024-ün final mərhələsinə yüksələcək və püşkü atılmış qrupda yerini alacaq.
Qeyd edək ki, qitə birinciliyi 14 iyun - 14 iyulda Almaniyanın 10 şəhərində təşkil olunacaq.
Avropa çempionatı. Pley-off
A Liqası
23:45 Polşa - Estoniya
23:45 Uels - Finlandiya
B Liqası
23:45 İsrail - İslandiya
23:45 Bosniya və Herseqovina - Ukrayna
C Liqası
21:00 Gürcüstan - Lüksemburq
23:45 Yunanıstan - Qazaxıstan
AVRO-2024. Final mərhələsi
A qrupu: Almaniya, Şotlandiya, Macarıstan, İsveçrə
B qrupu: İspaniya, Xorvatiya, İtaliya, Albaniya
C qrupu: Sloveniya, Danimarka, Serbiya, İngiltərə
D qrupu: Fransa, Avstriya, Niderland, A Yolunda pley-off qalibi (Polşa, Estoniya, Uels, Finlandiya)
E qrupu: Belçika, Rumıniya, Slovakiya, B Yolunda pley-off qalibi (İsrail, İslandiya, Bosniya və Herseqovina, Ukrayna)
F qrupu: Portuqaliya, Türkiyə, Çexiya, C Yolunda pley-off qalibi (Gürcüstan, Lüksemburq, Yunanıstan, Qazaxıstan)
