İsveç - Azərbaycan matçının keçiriləcəyi stadion müəyyənləşdi
Azərbaycan milli komandasının AÇ-2024-ün seçmə qrup mərhələsi çərçivəsində İsveç yığmasına qarşı keçirəcəyi oyunun stadionu müəyyənləşib.
mediasport.az xəbər verir ki, 2023-cü il martın 27-də keçiriləcək İsveç - Azərbaycan qarşılaşması Solna şəhərindəki “Friends Arena”da təşkil olunacaq.
Görüş Bakı vaxtı ilə saat 22:45-də başlanacaq.
Avropa çempionatının seçmə mərhələsinin F qrupunda yer alan Azərbaycan millisi ilk oyununu martın 24-də Avstriya ilə səfərdə keçirəcək. Canni de Byazinin komandasının bu qrupdakı digər rəqibləri Belçika və Estoniya yığmaları olacaq.
