Almaniya yığması tarixində ilk dəfə dünya çempionu adını qazanıb
Filippin, Yaponiya və İndoneziyanın birgə təşkilatçılığı ilə keçirilən basketbol üzrə dünya çempionatının qalibi müəyyənləşib.
Mediasport.az xəbər verir ki, Almaniya milli komandası tarixi uğura imza ataraq ilk dəfə dünya çempionu adını qazanıb.
Bundestim həlledici qarşılaşmada iddialı Serbiya yığmasından üstün olub - 83:77.
1950-ci ildən 4 ildən bir təşkil edilən mundialın bürünc medallarına Kanada basketbolçuları yiyələniblər. Şimali Amerika kollektivi ABŞ-ni əlavə vaxtda 127:118 hesabı ilə məğlub edib.
2027-ci ildə növbəti DÇ Qətərdə keçiriləcək.
