Avropa çempionatı: Qadın boksçumuz 1/4 finala yüksəlib
Qadınlardan ibarət Azərbaycan milli komandasının bokçusu Anaxanım İsmayılova Serbiyanın paytaxtı Belqradda davam edən Avropa çempionatında 1/4 finala vəsiqə qazanıb.
Mediasport.az xəbər verir ki, 48 kq çəkidə yarışan idmançımız 1/8 finalda Ermənistan təmsilçisi Lusine Gevorqyana qalib gəlib.
Qeyd edək ki, qitə birinciliyində yığmamızın daha 4 qadın üzvü mübarizə aparacaq.
Marjona Savriyeva (51 kq), Zeynəb Rəhimova (54 kq), Məhsəti Həmzəyeva (57 kq) və Şəhla Allahverdiyeva (66 kq) qarşıdakı günlərdə rinqə çıxacaqlar.
