Azərbaycan millisi Avropa çempionatında 1/4 finala çıxıb
Bosniya və Herseqovinanın paytaxtı Sarayevo şəhərində minifutbol üzrə Avropa çempionatı davam edir.
Mediasport.az xəbər verir ki, bu gün 1/8 finalın oyunlarına start verilib.
Qrup mərhələsini maksimum nəticə ilə lider başa vuran Azərbaycan milli komandası pley-off duelində Bolqarıstan səddini də asanlıqla keçərək adını 1/4 finala yazdırıb - 3:1.
Elşad Quliyevin rəhbərlik etdiyi kollektiv yarımfinal uğrunda Qazaxıstanla oynayacaq.
Xatırladaq ki, yığmamız qrupda Belçika (3:0), İtaliya (2:1) və Fransaya (3:1) qalib gəlib.
