Azərbaycan boksçuları beynəlxalq turniri 4 medalla başa vurdular
Azərbaycan boksçuları Qazaxıstanın Aktau şəhərində keçirilən beynəlxalq turnirdə 4 medal qazanıblar.
Mediasport.az xəbər verir ki, millinin heyətində Sərxan Əliyevlə (71 kq) Məhəmməd Abdullayev (92 kq) bütün rəqiblərinə qalib gələrək qızıl medal qazanıblar.
Yalnız finalda uduzan Nəbi İsgəndərov (71 kq) ikinci yeri tutub.
Mübarizəni yarımfinalda dayandıran Tayfur Əliyev (60 kq) isə bürünc medalla kifayətlənib.
Qeyd edək ki, Azərbaycanı Aktauda hakim kimi İlqar Qasımzadə təmsil edib.
