Azərbaycan çempionatı 3 illik fasilədən sonra başlayır
2019-cu ildə pandemiya səbəbindən erkən tamamlanan basketbol üzrə Azərbaycan çempionatı yenidən bərpa olunur.
MediaSport.az xəbər verir ki, oktyabrın 12-də "Sərhədçi" İdman Olimpiya Mərkəzinin idman zalında 28-ci Azərbaycan çempionatının (ABL) açılış mərasimi keçiriləcək.
Açılış oyununda "Sərhədçi" PİK və "NTD BK" komandaları üz-üzə gələcəklər. Qarşılaşma saat 18.00-da start götürəcək və CBC Sport telekanalı vasitəsilə canlı yayımlanacaq.
Birinci turun digər görüşləri 15 oktyabr tarixində "Sərhədçi" İdman Olimpiya Mərkəzində oynanılacaq.
