Azərbaycan çempionatında yeni mövsümün püşkü atıldı
Kişi və qadın həndbolçular arasında Azərbaycan çempionatında 2022/2023 mövsümünün püşkü atılıb.
mediasport.az xəbər verir ki, kişilər arasında I və II turun matçları 12-13 noyabrda keçiriləcək.
Qadınlar arasında ilk iki turun matçları isə 19-20 noyabrda baş tutacaq. "AHF Arena" da təşkil olunacaq çempionatda 7 kişi, 5 qadın komandası mübarizə aparacaq.
Yeni reqlamentə əsasən, qələbəyə 3 xal veriləcək. Hesab bərabər olarsa, oyun penaltilər seriyası ilə davam etdiriləcək. Qalib komanda 2, məğlub tərəf isə 1 xal qazanacaq. Eyni zamanda, hər komanda rəqibi ilə iki gün ərzində qonaq və ev oyunları keçirəcək.
Azərbaycan çempionatı (Kişilər). 1-ci tur
12 noyabr
"Təhsil" - U-16
"Məhsul" - "Bakı"
"İdman Akademiyası" - RİOEUGİM
2-ci tur
13 noyabr
"Bakı" - "Məhsul"
RİOEUGİM - "İdman Akademiyası"
U-16 - "Təhsil"
Azərbaycan çempionatı (Qadınlar). 1-ci tur
19 noyabr
"İdman Akademiyası" - "Azəryol"
"Azərsu" - U-16
2-ci tur
20 noyabr
"Azəryol" - "İdman Akademiyası"
U-16 - "Azərsu"
