Azərbaycanın cüdoçusu Niderlandda Avropa çempionu olub
Niderlandın Haaqa şəhərində gənclər arasında cüdo üzrə Avropa çempionatı start götürüb.
Mediasport.az xəbər verir ki, ilk yarış günündə ölkəmizi 7 idmançı təmsil edib.
60 kq çəki dərəcəsində mübarizə aparan Nizami İmranov bütün rəqiblərini məğlub edərək Avropa çempionatının qızıl medalını qazanıb.
66 kq-da Aydın Rzayev qitə birinciliyini gümüş medalla başa vurub.
52 kq-da qızlar arasında təmsilçimiz Aydan Vəliyeva isə Avropa üçüncüsü olub.
Nicat Nağıyev (66 kq), Könül Əliyeva və Vüsalə Hacıyeva (hər ikisi 48 kq), həmçinin Fidan Əlizadə (57 kq) medalsız qalıblar.
