Milli komandalarımız Xorvatiyada reytinq yarışlarına qatılacaq
Azərbaycanın gənc və yeniyetmə karateçilərdən ibarət milli komandaları Xorvatiyanın Poreç şəhərində keçiriləcək reytinq xarakterli "Karate 1 Liqa" yarışlarında iştirak edəcək.
Mediasport.az xəbər verir ki, 21 yaşadək idmançıların mübarizəsində Aysu Əliyeva, Ramil Baxşəliyev, Nicat Kərimli, Fərid Savadov və Amin Yadigarı ölkəmizin şərəfini qrouyacaqlar.
Gənclərin yarışında Raul Əliyev, Rahib Əzim, Fərid Hacızadə, Kamil Kərimli, Elçin Şiriyev, Rəşid Süleymanov və Gülay Orucova mükafatlar uğrunda mübarizə aparacaq.
Yeniyetmə idmançılarımızdan Aqil Rzayev, Hüseyn Hüseynov, Məhyəddin Cəfərli və Marat Semixov qüvvəsini sınayacaq.
Kata yarışlarında Ramilə Heydərova və Salman Salmanov öz bacarıqlarını nümayiş etdirəcəklər.
Komandamıza bu yarışda AKF-in baş katibi Qabil Sayadov və gənclərdən ibarət yığma komandamızın baş məşqçisi Anar Allahverdiyev rəhbərlik edir.
