Gürcüstan tarixində ilk dəfə Avropa çempionatında iştirak edəcək
Futbol üzrə AVRO-2024-ün final mərhələsinə vəsiqə uğrunda nəzərdə tutulmuş keçid pley-off görüşlərində final oyunlarına start verilib.
Mediasport.az xəbər verir ki, C yolunun keçid pley-offunun final matçında Gürcüstan doğma azarkeşlər önündə Yunanıstanı qəbul edib.
Qarşılaşmanın əsas vaxtı 0:0 hesabı ilə yekunlaşıb. Qalibi müəyyənləşdirmək üçün əlavə 30 dəqiqə oynanılsa da, qapılar yenə toxunulmaz qalıb. Penaltilər seriyasında daha dəqiq olan Gürcüstan milli komandası AVRO-2024-ə vəsiqəni təmin edib.
Tarixində ilk dəfə Avropa çempionatına vəsiqə qazanan gürcüstanlılar F qrupunda Portuqaliya, Türkiyə və Çexiya ilə mübarizə aparacaqlar.
AVRO-2024. Keçid pley-offu. Final
26 mart
Gürcüstan - Yunanıstan 0:0 (penaltilər seriyası - 4:2)
23:45 Uels - Polşa
23:45 Ukrayna - İslandiya
