Gürcüstan yığması tarixi uğuru reallaşdıra bilər - Avropa çempionatı
Bu gün Gürcüstan və Rumıniyanın ev sahibliyi etdiyi futbol üzrə U-21 Avropa çempionatının final mərhələsində sonuncu qrup oyunlarına start veriləcək.
MediaSport.az xəbər verir ki, 2 qrupda ümumilikdə 4 oyun keçiriləcək.
Qitə birinciliyində keçirdiyi ilk iki görüşdə sürpriz nəticələrə imza atan Gürcüstan yığması Niderland futbolçuları ilə qarşılaşacaq. Aktivlərində 4 xal olan birincilər məğlub olmasalar, tarixi uğura imza ataraq pley-offa vəsiqə qazanacaqlar.
Digər qrupda son Avropa çempionu və bu qitə yarışında pley-offa vəsiqəni vaxtından əvvəl təmin etmiş İspaniya yığması cari birincilikdə analoji nəticəni rəsmiləşdirmiş Ukrayna millisi ilə üz-üzə gələcək.
U-21 Avropa Çempionatı. Final mərhələsi. Qrup oyunları. 3-cü tur
20:00 Niderland - Gürcüstan
20:00 Portuqaliya - Belçika
22:45 Xorvatiya - Rumıniya
22:45 İspaniya - Ukrayna
