İsveçin heyətində 3 dəyişiklik edildi
Azərbaycan milli komandasının Millətlər Liqasının qrup mərhələsindəki rəqibi İsveçin heyətində dəyişikliklər baş verib.
Mediasport.az xəbər verir ki, Emil Kraft ("Nyukasl") və Erik Smit ("Sankt Pauli") zədəyə görə komandadan kənarlaşdırılıb.
Onların əvəzinə Emil Holm ("Bolonya") və Samuel Dal ("Roma") milliyə çağırılıb.
Digər zədəli Huqo Larssonu ("Ayntraxt", Frankfurt) isə Nils Zetterström ("Malmö") əvəz edib.
UEFA Millətlər Liqasının İsveç - Azərbaycan oyunu Solna şəhərindəki "Strouberri Arena" stadionunda keçiriləcək.
Qarşılaşma Bakı vaxtı ilə 23:45-də start götürəcək.
