Yüksək Liqada növbəti oyunların keçirilmə tarixi açıqlanıb
Qadın voleybolçular arasında Azərbaycan çempionatında növbəti oyunların keçirilmə tarixi açıqlanıb.
Mediasport.az xəbər verir ki, Yüksək Liqada XVII turun qarşılaşmaları martın 12-13-də baş tutacaq.
Martın 12-də Gənclər və İdman Nazirliyinin Voleybol Mərkəzində ilk olaraq “Milli Aviasiya Akademiyası” və “Murov Az Terminal” üz-üzə gələcəklər. Bu görüş saat 15:00-da start götürəcək.
Ardınca “Azərreyl” və “Gəncə” qarşılaşması olacaq. Oyunun start fiti saat 18:00-da veriləcək.
Tura martın 13-də UNEC - “Abşeron” matçı ilə yekun vurulacaq. Qarşılaşma UNEC-in idman zalında təşkil olunacaq.
