Millinin üzvü yenidən "Gəncə"də
"Gəncə" basketbol üzrə Azərbaycan milli komandasının üzvü Cəbrayıl Əkbərovu transfer edib.
Mediasport.az xəbər verir ki, "Cibo" ləqəbli hücumçu ilə mövsümün sonuna kimi müqavilə imzalanıb.
Forvard 2022/2023-cü illər mövsümündə də "Gəncə"də oynayıb, Azərbaycan Kubokunun qalibi və liqanın gümüş mükafatçısı olub.
Cəbrayıl ötən mövsümü "Sərhədçi"də keçirib. O, Çempionlar Liqasının təsnifat mərhələsinin oyunları üçün "Sabah"da da yer almışdı.
"Sarı-göylər" bu keçidə qədər yerli basketbolçulardan Elşad Şirzadov, Maqsud Rüstəmov, Nicat Hüseynov, əcnəbilərdən Lavon Holland, Kaan Yıldırımkanlı, Cordan Forbs, Barrel Romelo və Marqus Gilson ilə müqavilə bağlayıb.
