"Neftçi" Azərbaycan çempionu oldu
Basketbol üzrə Azərbaycan Qadınlar Liqasına yekun vurulub.
Mediasport.az xəbər verir ki, Azərbaycan Texniki Universitetinin idman zalında baş tutan mövsümün final qarşılaşmasında "Neftçi" İK ilə "Azstars" üz-üzə gəlib.
Rəqibini darmadağın edən "ağ-qaralar" böyük fərqlə - 93:29 hesabı ilə qalib gələrək Azərbaycan çempionu adını qazanıb.
Finalın ən dəyərli basketbolçusu (MVP) “Neftçi”dən Angelina İsmayılova seçilib.
Beləliklə, "Neftçi" İK ilk dəfə pley-off sistemi ilə baş tutan birinciliyin ilk qalibi olub.
