Fransada Avropa çempionatında ölkəmizi 11 idmançı təmsil edəcək
Fransada keçiriləcək böyüklər arasında cüdo üzrə Avropa çempionatında iştirak edəcək Azərbayca milli komandalarının heyətləri açıqlanıb.
Mediasport.az xəbər verir ki, Monpelye şəhərində reallaşacaq qitə birinciliyində ölkəmizi qadınlar və kişilər arasında 9 çəki dərəsində 11 cüdoçu təmsil edəcək.
Azərbaycan Cüdo Federasiyasının (ACF) vitse-prezidenti Elnur Məmmədli və baş katib Rəşad Rəsullu millilərin təlim-məşq toplanışlarına baş çəkərək, onların hazırlıqları ilə maraqlanıblar, cüdoçulara yarışda müvəffəqiyyətlər arzu ediblər.
Xatırladaq ki, kişilərdən və qadınlardan ibarət yığmaların üzvləri Avropa çempionatına hazırlıq məqsədilə İspaniya, Slovakiya və Özbəkistanda, həmçinin ölkəmizdə dəfələrlə təlim-məşq toplanışlarına qatılıblar.
Avropa çempionatında cüdoçular Elnur Məmmədli başda olmaqla, böyüklərdən ibarət yığmanın baş məşqçisi Riçard Trautman, böyüklərdən ibarət yığmanın böyük məşqçiləri Elçin İsmayılov və Slavko Tekiç, qadınlardan ibarət yığmanın baş məşqçisi Rəşad Məmmədovun rəhbərliyi altında mübarizə aparacaqlar.
Yarış noyabrın 3-5 tarixlərində keçiriləcək.
Qadınlar
48 kq
Leyla Əliyeva
52 kq
Gültac Məmmədəliyeva
Kişilər
60 kq
Balabəy Ağayev
Turan Bayramov
66 kq
Yaşar Nəcəfov
73 kq
Hidayət Heydərov
Rəşid Məmmədəliyev
81 kq
Zelim Tçkayev
90 kq
Murad Fətiyev
100 kq
Zelim Kotsoyev
+100 kq
Uşanqi Kokauri
