Olimpiya Oyunları: İdmançımızın 1/4 final rəqibləri müəyyənləşib
Azərbaycan avarçəkəni Diana Dımçenkonun Paris-2024 Yay Olimpiya Oyunlarında növbəti rəqibləri müəyyənləşib.
Mediasport.az xəbər verir ki, təmsilçimiz birinci zolaqda 3-cü qrupda yarışacaq.
Ukraynalı legionerimizin “altılıq”da rəqibləri Aureliya-Maksima Katarina Yanzen (İsveçrə), Emma Tviq (Yeni Zelandiya), Virciniya Dias Rivas (İspaniya), Yovana Arsiç (Serbiya) və Coani Delqado (Filippin) olacaq.
İlk üç yerin sahibi A/B, digər üç olimpiyaçı C/D yarımfinalına qatılacaq.
1/4 final mərhələsi iyulun 30-da baş tutacaq.
Mübarizəyə Bakı vaxtı ilə saat 11:30-da start veriləcək.
A/B yarımfinalları avqustun 1-də, C/D yarımfinalları iyulun 31-də keçiriləcək.
