Polşada Avropa Oyunlarının açılış mərasimi keçiriləcək - Krakov-2023
Bu gün Polşada təşkil edilən III Avropa Oyunlarının açılış mərasimi keçiriləcək.
MediaSport.az xəbər verir ki, tədbir Krakov şəhərindəki “Henrik Reyman” stadionunda baş tutacaq.
Bu gün eyni zamanda, 7 növdə idmançılar mübarizə aparacaqlar. Azərbaycanın 6 atleti 3-cü Divizionda çıxış edəcək. Kəsgin Abbaszadə uzunluğa tullanmada, İsmayıl Əliyev disk atmada, Anna Yusupova 800 m, Elman Abışov 1500 m məsafəyə qaçışda, Yekaterina Sarıyeva üç təkanla tullanmada, Cavid Məmmədov isə 400 m məsafəyə maneələrlə qaçışda qüvvəsini sınayacaq.
Bu gün, həmçinin, padel yarışları da start götürəcək. Azərbaycan millisinin Nərminə Bağırova və Samirə Əliyevadan ibarət cütlüyü İtaliyadan Kiara Pappakena-Culia Sussarello tandeminə qarşı çıxış edəcək.
İyulun 2-nə qədər davam edəcək yarışın yayım hüququ ölkəmizdə "CBC Sport" telekanalına məxsusdur. Ölkəmiz bu yarışda 13 idman növündə 86 nəfərlə təmsil olunacaq.
