"Qarabağ" - "Qəbələ": 77-ci dueldə ağdamlıların ikiqat üstünlüyü var
Sabah Azərbaycan Premyer Liqasının 31-ci turu çərçivəsində baş tutacaq "Qarabağ" - "Qəbələ" oyunu rəqiblərin 77-ci qarşılaşması olacaq.
Mediasport.az xəbər verir ki, komandalar indiyədək bütün turnirlərdə 76 dəfə üz-üzə gəliblər.
42 görüş Qurban Qurbanovun komandasının xeyrinə yekunlaşıb. Şimal təmsilçisi 13 dəfə qələbəyə sevinib. 21 görüş bərabərliklə bitib.
Topların nisbətində də üstünlük Ağdam təmsilçisinin tərəfindədir - 126:57.
Premyer Liqada 62-ci dəfə üz-üzə gələcək komandaların digər 15 dueli ölkə kubokuna təsadüf edib.
10 çempionat oyununda üç xal qazanan “Qəbələ” 15 dəfə heç-heçə edib və 36 matçda uduzub.
“Qəbələ”nin tarixində 38-cı dəfə qonağı olacaq “Qarabağ”ın meydanında 4 qələbəsi, 10 heç-heçəsi və 23 məğlubiyyəti var.
Qeyd edək ki, Tofiq Bəhramov adına Respublika stadionunda keçiriləcək matç saat 16:30-da başlanacaq.
